记得以前,过年嗰阵,广州人好兴用石灰嚟粉刷一下屋企,叫做油灰水。整一把木制人字梯,冇梯就用凳仔,睇下边度有工地整啲石灰返嚟(或者买),用一把椰衣扫,用水将啲石灰开好,用椰衣扫蘸啲石灰水就可以刷屋嘞。一般都唔使乜嘢技术,系噉油就得口架喇。我都试过帮屋企人油灰水,惊啲灰水整污遭个头,重用报纸折个苏军船形帽戴住添。刷完,间屋好白净,开灯一照,零舍光猛。
有啲人屋企,油灰水都悭番,用报纸或者画报,一张张贴喺墙度当墙纸。
后嚟生活好咗,广州人屋企装修亦开始讲究起身。玻璃铁窗都过时,换上咗铝合金窗,厨房铺上白瓷片,冲凉房都铺上防滑砖。
喺嗰个年代,由于钢铁稀缺贵重,窗门都系木框嘅玻璃窗,竹枝做嘅护栏,油啲漆油上去,开始就几光鲜,风吹日晒雨淋,个窗就好快残,想跌想跌咁款。而家大家用嘅电掣大多数系琴键式开关,嗰阵系用灯绳嚟开灯。夜晚瞓觉,我试过揾条长啲嘅绳缚住条拉灯绳,再缚喺床头度,夜晚起身方便,拉拉条绳就可以着灯嘞,好使过遥控。而家家家屋企都有一副厚重嘅铁门,嗰阵住喺大院,两户人一齐住,大门系一副薄切切、又残又旧嘅木门,晚上系噉易用把锁仔锁住,住咗好多年,都未试过畀人偷过嘢。
虽然而家好条件好,样样光鲜,以前一切都简陋,但系,反而住得舒心。
加入搜狐微博， 与业内精英分享行业观点。
相关知识
回忆广州往事：我地旧时嘅家装就系甘
高峰对话：如何破局家装后市场？
2.家装要素有效组织 | 7.9广州-第三届中国互联网泛家装论坛
10.整装中的个性化需求 | 7.9广州-第三届中国互联网泛家装论坛
7.整装运营效率提升 | 7.9广州-第三届中国互联网泛家装论坛
11.整装品牌的核心价值主张 | 7.9广州-第三届中国互联网泛家装论坛
28.整装与全屋定制 | 7.9广州-第三届中国互联网泛家装论坛
29.整装与新零售 | 7.9广州-第三届中国互联网泛家装论坛
东易日盛杨劲：最爱时尚复古家装风格
李玲波：用心体验“慢”生活 将艺术融入家装